Purmèr òpus tà Las Mondinas...
Las tres beròjas votz de Las Mondinas que'vs convidan a viéner partatjar un moment de hèsta a l’Ostal d’Occitania, 11 carrèra Malcousina tà la sortida oficiau deu lor purmèr òpus "En tot caminar"...
 

Las tres beròjas votz de Las Mondinas que's poderàn adara enténer a plaser. En efèit, la sortida oficiau deu lor purmèr òpus "En tot caminar" que's debanarà dissabte lo 22 d'octobre a 18H pas a noste mes deu costat de l'Ostal d'Occitània a Tolosa. Que hestejaràn tanben los lors 8 ans d’amistat.

Amassadas per l'amor de la canta polifonica principaument pirenenca, las tres gojatas que s'encontrèn a Tolosa. Fanny qu'ei musiciana, professora de flabuta traversèra e que gavida mantuas formacions de cantaires. Amandine qu'ei titulara deu Diplòma d'Universitat de Musician Intervienent (DUMI) e qu'exprimeish lo son talent en un sextet de jazz, en la composicion, en l'aprenedissatge deu cant liric e l'ensenhament musicau. Enfin, Audrey, bearnesa d'adopcion e passionada de canta tradicionau, que perfecciona la soa practica en nombrós estagis e qu'ei regenta en seccion bilingua. En 2012, que ganhèn los Encontres Vocaus d'Aràmits e en 2014 lo prèmi deu public a Laàs.

Dab lo sostien de Convergéncia Occitana, que'vs convidan a viéner partatjar un moment de hèsta a l’Ostal d’Occitania, 11 carrèra Malcousinat.

La Topina, bar a tapas occitan, que'vs permetera de minjr sus plaça e que'vs auherira un aperitiu.

Entresenhas :lasmondinas