Fin d'annada tà la Calandreta Paulina...
La Calandreta Paulina, com cada an, qu’organiza la soa jornada de hèsta de fin d’annada escolara...
 

Las vacanças que s’aprèssan a grans camadas, e non demoran pas briga de dias aus mainats abans la pausa estivenca. La Calandreta Paulina, com cada an, qu’organiza la soa jornada de hèsta de fin d’annada escolara.
Calandrons, regents e associatius de l’escòla que’vs convidan donc a hestejar dab eths, lo dissabte 25 de junh de 2016, en los locaus de la carrèra Guynemer, a Pau.
A comptar de 11h30, après l’inauguracion de la fresca a l’entrada de l’escòla, los mainats que jogaràn los espectacles dab cantas e danças preparats despuish quauques setmanas. Suu pic de 12h30, l’aperitiu auherit per l’escòla e lo repaish que balharàn drin d’arsec a tot lo monde abans d’atacar lo vrèspe e la fin de jornada : jòcs de pista, tornei de quilhas, tiratge de la tombòla…
A 18h, Menestrèrs Gascons que haràn ua demostracion de dança de bastons dab lo Pau lo Tiau puish pairs e mairs e los lors convidats que s’i haràn a la canta e a la dança. Taus qui ne n’averén pas hartèra, a 20h un bal gascon qu’ei previst dab lo grop Croc’Stana.
Mei d’entresenhas : 07 81 65 31 73 ou asso.calandreta.pau@gmail.com