Calandreta qu'es aquò
En mei de las pòrtas ubèrtas, ua serada publica que balha lo parat de’n saber mei suu bilingüisme e sus las Calandretas…
 

Qu’ac avetz dejà lejut en la letra, las escòlas e lo Collègi Calandreta qu’obriràn las lors pòrtas l’auta setmana. En mei d’aver la possibilitat de visitar las escòlas e d’encontrar las equipas pedagogicas e associativas, ua serada publica qu’ei tanben organizada lo divés 31 de març a l’escòla deu Lis.
4 intervienents que’s seguiràn entà tractar de las questions seguentas :
- Pierre Salles que tornarà sus l’interès deu bilingüisme tau mainat e suu ròtle màger de l’ensenhament immersiu (lenga ensenhada e ensenhanta) de tipe Calandreta
- Anne-Marie Roth (co-fondatora de la Calandreta de Pau en 1979) que diserà perqué aver creat Calandreta e çò qui a miat joens bearnés a’s lançar en aquera aventura.
- Midou Curmer (ancian president de la Federacion Departamentau Calandreta) que presentarà los quate pielars qui pòrtan lo projècte Calandreta : la lenga, la pedagogia, la cultura e « alià’s entà har escòla ».
- Marie-Pierre Baylocq (directora deu Collègi Calandreta de Gasconha) que’ns harà un punt sus la continuitat de las escòlas primàrias.

Aquesta serada qu’ei ubèrta a totas e a tots, joens pairs e mairs qui’s pausan questions, com los poblants deu Lis qui vòlen saber çò qu’ei Calandreta.

Mei d’entresenhas au 05 59 05 72 21 o suu Facebook de la Calandreta deu Lis https://www.facebook.com/calandreta.lis