Auloron que hesteja la transumància
Après lo rendetz-ve de mau evitar d’Aramits la setmana passada, lo pastoralisme que serà enqüèra a l’aunor mes deu costat deu barri Senta Crotz a Auloron, per la tresau edicion de la Hèsta de la Transhumància d’octobre 2016...
 

Après lo rendetz-ve de mau evitar d’Aramits la setmana passada, lo pastoralisme que serà enqüèra a l’aunor mes deu costat deu barri Senta Crotz a Auloron, per la tresau edicion de la Hèsta de la Transhumància organizada per la municipalitat e qui’s debanarà los 30 de seteme e 1èr d’octobre 2016.
Après la serada d’obertura deu divés a l’Espaci Jéliote dab lo concèrt deus Pagalhós, la jornada de dissabte que vederà un sarròt d’animacions a l’entorn de la Plaça Sent Pèir : mercat deus productors bordalèrs, bòrda pedagogica, demostracions de quilhas de nau, de tóner e de fabricacion de hromatge d’aulha, jòcs bearnés, seguicis, cantèra…
Ua restauracion que serà assegurada per la Calandreta d’Auloron de 12h dinc a 20h, shens desbrombar l’aperitiu auherit per la municipalitat e la garbura preparada e, era tanben auherida per la Garburada à comptar de 19h.
Lo programa deu 1èr qu’ei hòrt hornit donc que v’encoratjam tà’n saber mei a clicar suu ligam seguent : Hèsta de la transhumància
Mei d’entresenhas : Mairia d’Auloron Senta-Maria au 05 59 39 99 99 o associations@oloron-ste-marie.fr