Vistedit que vòu lo vòste avís
Vistedit que desira melhorar las soas revistas e que’us podetz ajudar...
 

L’enterpresa de premsa en lenga occitana Vistedit qu’ei ua SCOP : Societat Co-operativa e Participativa qu’ei a díser que los salariats e son associats majoritaris.

Despuish 1995, Vistedit que publica lo jornau « La Setmana » un jornau d’informacions culturaus, politicas, economicas e sociaus de l’espaci occitan mes tanben deu monde. La version paper qu’a lo son besson numeric en linha sus www.lasetmana.fr

Que v’i podetz abonar e recéber atau la letra de La Setmana.

Qu’existeishen tanben duas revistas taus mainatges : Papagai taus 4-8 ans qui perpausa cada mes duas istuèras, jòcs, ua pagina de vocabulari e un dossièr sus un deus dus contes e Plumalhon taus 8-12 ans qui perpausa dus reportatges sus tèmas d'actualitats, sus países, sus animaus..., BD, jòcs e petitas actualitats sus çò qui’s debana dens lo monde.

Vistedit qu’edita tanben libes taus mainatges en occitan gascon e en occitan lengadocian.

Que son quate salariats qui i tribalhan:

-          Brigita qui s’aucupa de la gestion e de la mesa en fòrma de las revistas, a Vistedit despuish 1997,

-          Clamenç qu’ei lo cap redactor e jornalista, que i ei despuish mai 2006,

-          Fanny qu’ei la webjornalista, entrada en març passat,

-          Veronica qu’ei la comptabla.

Vistedit que desira melhorar las soas revistas e que’us podetz ajudar en balhar lo vòste avís dab tres questionaris :

 

-          Tà Papagai : Questionari Papagai

-         Tà Plumalhon : Questionari Plumalhon

-          Tà La Setmana : Questionari La Setmana