Un rendetz-vos màger tau Bearn
Dimars passat, lo Palais Beaumont qu’arcuelhè la dusau amassada deu « País de Bearn »...
 

En aperà’n au Noste Enric, l’òmi de la reconciliacion enter catolics e protestants, lo maire de Pau, François Bayrou qui aviè aquera operacion en julhet passat, qu’ei tornat dab conviccion sus l’esperit deu projècte « País de Bearn » : amassà’s delà de las divisions entà dar au Bearn lo notorietat qui s’amerita.

Lo prètzhèit qu’ei tanben de balhar au projècte ua organizacion associativa leugèra qui mutualiza los esfòrç de cadun : collectivitats, institucions, associacions, personas moraus...

Lo dispositiu « País de Bearn » qu’ei ubèrt a tots los qui an la volontat de har vàler lo riquèr deu noste país, riquèr simbolizat tanben dens las relacions d'escambis dab las comunautats vesias.

Entà avançar d’un biais eficaç, cinc grops de tribalh que son creats. Las inscripcions, per estar presas sus plaça, ne son pas enqüèra barradas solide.

Los 5 grops de tribalh :

- Cultura e lenga
- Amainatjament de l’espaci e grans equipaments de la region
- Estrategia deu territòri (marcatica, torisme, economica…)
- Formacion, recèrca e universitat
- Relacions dab las comunautats vesias (Bigòrra, Bascoat, Aragon, Navarra)

Tà inscríve’s o tà’n saber mei : bearn@pau.fr