Un còp èra...la Grana Guèrra
La calandreta Paulina que va presentar la soa darrèra creacion « Un còp èra… Jan, John and Jazz »...
 
Sans titre

La calandreta Paulina que va presentar entà l’auta setmana la soa darrèra creacion « Un còp èra… Jan, John and Jazz ». Qu’an tribalhat en colaboracion dab musicians de jazz de l’Institut des Arts supérieurs de Tolosa e dab l’Ofici Nacionau deus Ancians Combatants (Onac).

 

L’espectacle originau qui mescla a l’encòp cant, musica e teatre, que serà prepausat purmèr a las escòlas de Visanòs e a las calandretas deu Bearn, lo diluns 7 d’abriu, abans lapresentacion entau gran public, divés lo 11 d’abriu, a 20h30, sala DanielBalavoine, a Visanòs.

 

L’ONAC que sostien projèctes escolars en ligam dab l’istòria de sègle 20au. En l’encastre de la celebracion deu centenari de la Grana Guèrra, lo parat que n’èra tot trobat entà apitar aqueth espectacle, pensat despuish lo debut de l’annada 2013 per pairs d’eslhèves qui prepausavan un tribalh a l’entorn deu jazz e de las lengas anglesa e occitana.

 

« Un còp èra… Jan, John and Jazz » que conta l’istòria particulara de dus sordats, un negre american e un bearnés, qui an deishat lo lor país entau hasti de la guèrra, sus hons de tròç de jazz e de cantas bearnesas tradicionaus o enqüèra tèxtes de Roger Lapassade.

 

Duas representacions :

-          Diluns lo 7 d’abriu, 14h, entaus escolaris

-          Divés lo 11 d’abriu, 20h30, entau public

 

Tarifas : adultes 5 € ; agratis entaus mainats

 

Entresenhas mei : Espaci Daniel Balavoine – 05 59 27 47 72