Un Bal Efemèr a Asson
Las associacions Là-bas e Asson Animation qu'organizan lo dissabte 7 de genèr un Bal Efemèr a Asson. Mes un bal efemèr qu'ei...
 

Las associacions Là-bas e Asson Animation qu'organizan lo dissabte 7 de genèr un Bal Efemèr a Asson. Mes qu'ei un bal efemèr ? Que diseréi qu'ei drin lo "Canta se gausas" de la musica trad... Lo Bal Efemèr, qu'ei un empont ubèrt dab grops hèits especiaument peu parat.

Que ns’inscrivem e que hèn lo sòrt, o que causim lo dia-medish compairs d’un ser. E puish que ns’isolam dens ua sala tot lo vrèspe tà preparar un petit set de 3 o 4 tròç de musica tradicionau/fòlc que jogaram sus l'empont lo ser.

Los Sauts Bearnés que seràn hèits en seguir e lo grop Lab’Oc qu'assegurarà la fin de la serada.

Tà participar que cau doncas :

- un instrument,

- un repertòri,

- la capacitat d’apréner dinc a 3 o 4 tròç inconeguts en un vrèspe e de'us jogar lo ser sus l'empont.

 

Vist lo nombre de salas disponiblas, que pòden acceptar 9 musician(a)s. Se la demanda ei importanta, que cercaràn mei de salas. 

Que'vs podetz inscríver en hicar un comentari en precisar los vòstes instruments sus la pagina Facebook.

Lo repaish qu'ei auherit aus participants deu bal Efemèr.