Ua serada de las lengas
A l'iniciativa de Sylvie Lajus-Cossou e d'un group de Couch-surfing (aubèrgament temporari e a gratis de persona a persona), ua serada de las lengas que's debanarà a l'Entropie a Pau lo dissabte 10 de deceme qui arriba a comptar de 9 òras...
 

A l'iniciativa de Sylvie Lajus-Cossou e d'un group de Couch-surfing (aubèrgament temporari e a gratis de persona a persona), ua serada de las lengas que's debanarà a l'Entropie a Pau lo dissabte 10 de deceme qui arriba a comptar de 9 òras. Organizada per lo grop Pau language exchange CS, que serà lo parat de hicar l'occitan au medish nivèu que las autas lengas en la vita vitanta.
Doncas s'avetz enveja de descobrir navèras lenguas, de batalar en la lenga de la vòsta causida, quin que sia lo vòste nivèu, d'encontrar monde, n'esitetz pas !
Tà alimentar las conversacions se hè besonh, que i averà ua caisha plea de paperòts dab questions per tèmi  dab ua caisha per taula e per lenga.
Peu moment que i averà occitan, catalan, espanhòu, portugués, italian, anglés e francés...

L'entrada qu'ei libra e la serada qu'ei ubèrta a tots.
L'Entropie qu'ei un cafè-libreria, un cafè scientific ric de mei de 1 500 titols situat 27, carrèra Bernadotte : https://www.facebook.com/pages/Lentropie/1417726468457537