Ua navèra calandreta a Espuei
La Federacion Despartamentau de las Escòlas Calandreta deus Pirenèus Atlantics e l'associacion « Los amics de la Calandreta d'Espuei » que ns'anoncian lo lor projècte d'obertura d'ua escòla a Espuei...
 

La Federacion Despartamentau de las Escòlas Calandreta deus Pirenèus Atlantics e l'associacion « Los amics de la Calandreta d'Espuei » que ns'anoncian lo lor projècte d'obertura d'ua escòla a Espuei. Qu'an doncas lo plaser de convidar tots los pairs qui vòlen mei d'informacions a duas jornadas descobèrta a la sala de las associacions a Espuei

- lo dissabte 8 d'abriu de 10H dinc a 12H,

- lo dimars 11 d'abriu de 19H dinc a 21H.

Los pairs dejà interessats peu projècte que seràn presents dab responsables associatius qui explicaràn lo foncionament de las escòlas Calandreta. Ensenhaires que seràn tanben disponibles tà explicar lo metòde de pedagogia especifica qui hè compte principaument de las « tecnicas Freinet » e de la « pedagogia institucionau ».

Espuei qu'arrejunherà doncas lo movement Calandreta qui compta dejà :

- en Bearn : 10 escòlas mairaus e primàrias, 1 collègi e 440 escolans, 

- en Occitania : 62 escòlas mairaus e primàrias, 3 collègis, 1 projècte de licèu, 212 ensehaires, 3 600 escolans e milierats d'associatius.

Informacions au 06 68 12 38 87 o sus www.calandreta-espoey.fr