Ua dimenjada de dança
Se i a dimenjadas qui cantan que n'i a tanben qui dançan e que serà lo cas d'aquesta...
 

Se i a dimenjadas qui cantan que n'i a d'autas qui dançan e que serà lo cas d'aquesta. Com cada purmèr dissabte deu mes, qu'arretrobaratz lo 4 de heurèr, los sauts bearnés dab l'associacion Menestrèrs Gascons a comptar de 11 òras e mieja lo matin, plaça deu Herau a Pau.

Lo ser que poderatz anar tà Hagetaubin tà ua serada bal trad organizada peus Dançaires deu Seuvèstre. Rendetz-ve a 8 òras lo ser tà minjar amassa suu principi de l'aubèrga espanhòla, cadun que's hè seguir de qué minjar un nhac e de qué bever un cop tots amassas. A 9 òras e mieja, lo bal que serà assegurat peus grops Cac'Oc Phonies e Toti Tres. Avisatz-ve a 9 òras e a miejanueit que s'i dançarà lo Motchico deu Seuvèstre qui ei lo mei rapide deu Bearn. Las hemnas qu'an de portar un bonet e los òmis un carrat. L'entrada qu'ei a 8€.

A Buelh-Vesing, los Seuvetons que presentaràn lo lor espectacle Arcolin, lo dissabte 4 de heurèr a 8 òras e mieja a la sala Socioculturau. L'entrada qu'ei a 8 € e a gratis taus mensh de 12 ans. Las reservacions que's hèn auprès de la mairia au 05 59 53 20 05.

Enfin, lo dimenge 5 de heurèr que's debanara lo "P’tit bal traditionnel du dimanche" organizat per Tiss’liens 64 a la Guingueta de Vilhèra. A partir de 11 òras lo matin, que i aurà un encontre enter musicians. qu'ei un escambis per petits grops. cadun que causeih 2 o 3 tròçs de musica a dançar a har descobrir aus autes. A l'ua òra, que seràn l'aperitiu e lo repaish tostemps suu principi de l'aubèrga espanhòla enter los musicians. De 3 òras lo vrèspe dinc a 7 òras, lo bal que serà animat peus participants de l’escambi e los autes musicians presents.

Informacions : biarnesa@hotmail.fr o www.tissliens64.com