Transmetem Miquèu Grosclaude
L'associacion Transmetem que hè aunor a un gran occitanista...
 

Quin har descobrir o tornar descobrir l’òbra e la vita deu qui a balhat tant e tant a la lenga occitana, qui l’a dotat de tan d’utís entà transméter-la, apréner-la, qui a combatut entà la soa arreconeishènça,… ?


En lo cas de Miquèu Grosclaude, qua calèva au mensh ua jornada sancèra. Qu’ei çò qui perpausa l’associacion Transmetem au parat de la Trobada d’agòr, lo dissabte 16 de noveme a l’Ostau de la Comuna d’Auloron.  

Istorians, collaboradors, ensenhaires, musicians que’s seguiràn entà tractar o presentar lo tribalh gigantau e l’engatjament hòrt d’aqueste òmi qui’s disèva « pas occitan mes occitanista ».  De 10h dinc a mieidia puish de 14h15 dinc au ser, que poderam enténer las intervencions de monde com Crestian Lamaison, Gilbert Narioo, Robert Darrigrand o enqüèra Joan-Francés Tisnèr qui tornaràn suus maines nombrós tocats per Miquèu Grosclaude : l’istòria, lo Protestantisme, la toponimia, l’onomastica, l’escritura,…


Aquesta Trobada d’agòr qu’ei un moment de non pas mancar taus qui aiman o qui s’interessan a la lenga e a la cultura occitanas.
Lo programa sancèr ací.

Entresenhas mei :
Transmetem au 05 59 39 54 19 o transmetem@orange.fr
Mairia d’Auloron Senta-Maria / Ahars culturaus : 05 59 39 99 99