Tralhaires ua creacion de Joan-Francés Tisnèr
Salias qu'arcuelharà lo darrèr espectacle deu Joan-Francés Tisnèr : Tralhaires...
 

Cantaire-musician, autor-compositor, creator d'espectacles e d'eveniments, que n'i a qualificatius tà parlar deu Joan-Francés Tisnèr...
Ua votz singulara, un vertadèr univèrs sonòr hèit de cants occitans de tradicion e de composicion, d'improvizacions vocaus acompanhadas peu ton-ton, de percussions aus pès, d'acordeon diatonic mes tanben de musica electroacostica, escotà'u qu'ei tostemps susprenent e estrambosent.

Que tribalha uei dab artistas com : Jakes Aymonino, cantaire e guitarrista, Francés Dumeaux, compositor electroacostic o Isabelle Loubère, votz...
Au nombre de las soas participacions actuaus que podem citar autanplan Le dernier sonnailleur d'André Dion e l'espectacle Six voix, douze pieds de la Compagnie Maître Guillaume.


La soa darrèra creacion produsida per l'associacion Lo Nau que'ns mia suus pas deu Felix Arnaudin. Acompanhat per Jakes Aymonino, Francés Dumeaux e Domenja Lekuona, que'ns presenta paisatges sonòrs, cants, contes, arreproèrs, extrèits deu Jornau e Causas de l’anciana Lana de Felix Arnaudin.
L'espectacle qu'ei titolat "Tralhaires", que serà a Salias lo divés 15 de genèr a comptar de 6ò lo ser a la Sala Jean Monnet e qu'ei a gratis.

Mei d'entersenhas sus : www.joanfrancestisner.com