Tornar sus las darrèras batalèras
Pet e pet, que’s debanèn duas batalèras de l’Ostau Bearnés, la purmèra a Pau e l'auta a Anoja...
 

Pet e pet, que’s debanèn duas batalèras de l’Ostau Bearnés.
La deu mes de noveme a l’entorn deu rugbi qu’ei estada beròi escaduda. Dab l’ajuda costumèra de la Civada, qu’avem invitat Yves Coup e Jean Paul Basly autors deu libe « De l’enfer au paradis » qui ditz l’epopea de la Seccion Paulina, campiona de França en 1964.
Entà illustrar aqueth expleit, que visionèn lo film « 64 » realizat per Jean Marie Belle capdau de JVC (Jurançon Vidéo Connexion). Lo monde qu’èran hòrt contents de véder imatges d’archius e los testimoniatges deus jogadors e miaires. Los autors, ajudats per François Moncla qu’expliquèn quin se hasó lo libe lo perqué de l’escaduda de l’equipa paulina : la preparacion fisica, l’enquadrament, la solidaritat, l’amistat, la motivacion… e la chança. Aqueth boclèr de Brennus qu’apassionè autant plan lo capdulh bearnés com tot lo Bearn.
Lo François Moncla, qui’n coneish de longa que parlè de la caminada d’aqueth espòrt. Adara que cau la professionalizacion e la moneda n’estremen pas las soas valors tradicionaus.
Las questions non manquèn pas e aquera serada originau que s’acabè per las dedicacions e lo veire de l’amistat.


Un aute moment deus bons que’s debanè dimenge passat deu costat d’Anoja.
Los batalaires que son vienuts numerós tà partatjar drin de calor, de vin blanc e un pastis famós d’ua Amelia de Maseròlas.
Quauques participants qu’avèn prés l’iniciativa d’amiar apèrs agricolas ancians çò qui permetó de lançar la batalèra com cau, puish pendent quasi duas òras, lo monde que parlèn de la vita d’autes còps deu vilatge, de l’escòla, deus tribalhs agricòlas e deus cambiaments pregonds qui tòca Anoja.
Que vedom tanben un batalaire har-s’i a contar ua beròja peguejada e har arríder lo monde.
En dus mots, ua batalèra agradiva qui muishè, si’n calè la pròva, que lo monde deu parçan d’Anoja e son hòrts estacats au lor país e a la lor cultura.
Quauques fòtos de la vrespada ací.