Tornar sus la darrèra batalèra
L'Ostau Bearnés e la Civada que's passegèn deu costat deu Cafè Suspenut de Vilhèra au parat de la batalèra deu mes de mai...
 

La setmana passada que’s debanè la batalèra de l’Ostau Bearnés e de la Civada. Peu purmèr cop en los sons navèths locaus de Vilhèra, lo Cafè Suspenut e la soa gavidaire Hélène Charpentier qu’arcuelhón ad aqueth moment conviviau d’escambis en lenga nosta.

Monde qui aprenen l’occitan despuish chic de temps qu’èran invitats dab los lors formators a viéner partatjar lo lor caminament personau de cap tà lenga e la cultura occitanas. Qu’estó lo parat d’escambiar en tota convivéncia com de costuma e de véder que quin qu’estosse lo punt de despart, cadun qu’avè un plaser deus grans a practicar la lenga nosta e a descobrir la cultura occitana.

Totas las generacions qu’estón representadas. En aquera tempora escura de maishanta peleja a l’entorn deu bearnés, los joens que devisèn dab los mensh joens shans nat problèma de compreneson.

E Julieta, calandrona de 8 ans, n’avó pas nat chepic a hà’s compréner dab un aisidèr remarcable e a compréner çò qui’s disè a l’entorn de la taula.

Ua bona serada devath un beròi só de prima qui s’ei acabada com cau dab un veire de Juranson.