Tempora Carnavalenca
Pau o Geronce qu'avetz la causida tà har Carnaval o que podetz har los 2...
 

Qu'aulorèja Carnaval aquesta tempora. Que s'apitan drin de pertot que sia a Pau o enqüèra a Geronce.

Au ser (dijaus lo 4 de heurèr) que serà doncas au torn deu Carnaval Biarnés de véder arribar Sent Pançard a Pau.
Que podetz arretrobar lo programa en clicar ací e totas las entresenhas
sus www.carnavalbiarnes.com

Lo divés 12 de heurèr, Carnaval qu'arribarà a Geronce en gran pompa dab un concèrt d'un grop plan coneishut a noste : Arraya
Rendetz-ve a 21h plaça de la mairia, devath lo capitèth cauhat (enterpans hreds en venta sus plaça) !
Que podetz arreservar las vòstas plaças ací o en los punts de venta deu hialat Ticketmaster (E.leclerc, Cultura e Auchan). Prètz : 14€, 6€ taus mainatges de 12 a 16 ans, a gratis taus mensh de 11 ans.

Au programa deus dias seguents :
- Lo dissabte 13 a 22H Bal deu Carnaval suu tèma « HAUT CHIC, BAS CHOC »
- Lo dimenge 14, tots aus vòstes desguisaments, qu'ei la Gran Cavaucada.
A 14H au partir d’Aurin Corso florit dinc a Geronce tau Bal de la soa Majestat Batistou lo ser.
- Lo divés 19 : Serada Mascada a comptar de 18h
Restauracion sus plaça e inscripcions obligatòrias  dinc au diluns 15 de heurèr : carnavaldegeronce@hotmail.com o sus la pagina Facebook.
- Lo dissabte 20 tà clavar les festivitats : Nueit deus Subervivents suu tèma deus « Toristas ».

http://www.carnavaldegeronce.com/