Teatre e cants tà la serada iròlas a Cardessa
Los Mosquilhos d'Issòr que son ua tropa de teatre amatora qui balha la magèr part a la lenga nosta. La soa istòria que comença en 2000 abans tot dab ua banda d'amics...
 

Los Mosquilhos d'Issòr que son ua tropa de teatre amatora qui balha la magèr part a la lenga nosta. La soa istòria que comença en 2000 abans tot dab ua banda d'amics. Que'us hasè gai d'amassà's sustot tà parlar bearnés e qu'avèn enveja de har quauquarren de navèth tà la lenga. Despuish la debuta la tropa qu'ei davantejada de man de mèste per Janine Cazaurang qui jòga tanben lo ròtle d'empontaira. Que s'i hèn doncas tà har víver la lenga e la culturas bearnesas en interpretar personnatges d'ua epòca escorruda sovent gessits de las nostas campanhas e deus contes tradicionaus de Simin Palay, Michel Grosclaude, Georges Sautier o enqüèra Hubert Lux. Compausada d'un detzenat d'actors, la tropa que compta totun en los sons rengs un gojat de 13 ans e duas joenas hilhas de 14 e 18 ans qui aprenen la leng

a au licèu. En aqueth moment, que pujan sus l'empont dab duas pèçotas bilinguas deu Jean Bousquet : "Lo Robèrt que torna tà l'escòla" e "Lo congelator". En la purmèra qu'ei question de certificat d'estudis e en la dusau de har lo saut de la modernitat en crompar atrunas electrodomesticas...

Que seràn a Cardessa dissabte ser a la sala de las hèstas tà ua serada teatre, iròlas e cantas.

Au programa a comptar de 20.30 :

- Robèrt que torna tà l'escola

- Iròlas e borret

- Lo congelator

- Cantas dab los Esbarrits de Cardessa.