Sortidas ençò de Per Noste
Mantuas sortidas per aquestes torns anonciada per l'associacion ortesiana...
 

Las edicions Per Noste, qui an mudat recentament en los lors navèths locaus en l’Espaci Roger Lapassada a Ortès,  que vienen de sortir pet a pet mantuns obratges.



La gatamina qui avè hèra de hami d'Eric Carles
Àlbum entaus mei petits.
Un classic hèra coneishut. Que hè quasi cinquanta ans qu'aquera gatamina existeish, shens aver perdut arren deu son succès dab los mainats ! Un libe qui escad la proessa de har descobrir en medish temps los jorns de la setmana, los aliments, las chiffras, lo cicle de vita deu parpalhon… e de retiéner l’atencion dab aqueths famós horatòts !
 22 x 31 - 24 paginas - 17 €

 


 

 

Siam hardits ! de Francés Alhet
L’autor, vadut a París d’un pair gascon, qu'ei agronòme dab ua carrièra en la diplomacia. En lo recuelh de haikus "Siam Hardits", qu'evòca, de faiçon lirica e didactica, la natura e la vita en Occitania, en remandant a hèits, lòcs e personatges d’importància istorica e culturau.
120 paginas – 14 x 22 – 9 €



 

 

 

 

 

Museta Murgueta de Stéphane Milleron e Quitterie Laborde
Àlbum taus mainats
Harta deu brut deus vesins, Museta la murgueta que’s dèisha lo solèr e que se’n va en cèrcas d’un navèth sobac. Pendent lo son viatge, qu’encontra bèstias hèra diferentas d’era, mes nada non la pòt arcuélher. Lavetz, qui volerà partatjar soa casa e obrí’u lo còr ?
 32 paginas – 32 x 22 – 19,50 €

 


 

Agenda 2015
Agenda au format de pòcha
Agenda suu tèma de China dab los noms deus dias, los sents, las hèstas e ua expression gascona per setmana. Cada setmana qu'ei illustrada per ua fotografia en negre e blanc.
116 paginas - 12 x 17 - 9,50 €

Mei d’entresenhas sus Per Noste, las soas activitats e las soas edicions : www.pernoste.com