Siatz tots los Planvenguts
Lo Med'Òc de Pau, Movement deus Estudiants d'Occitània de l'UPPA, qu'organiza a la rentrada de seteme un navèth hestenau...
 

Lo Med'Òc de Pau, Movement deus Estudiants d'Occitània de l'UPPA, qu'organiza a la rentrada de seteme un navèth hestenau "Planvengut".
Lo prètzhèit de l'eveniment qu'ei d'amuishar aus estudiants totas las possibilitats qui balha l'aprenedissatge de la lenga occitana. L'ensenhament n'ei pas la sola faiçon de tribalhar mercés e tà l'occitan.
Aquò que serà la tòca deu vilatge occitan organizat lo dijaus 17 de seteme qui arriba dab mantuas associacions.

Lo hestenau que's debanarà doncas deu 7 au 25 de seteme suu campus de l'UPPA e lo programa qu'ei cargat !



Lo diluns 7 de seteme :
Conferéncia de premsa e vernissatge de la mustra sus la cultura occitana e lo Med'Òc de Pau a la Bibliotèca Universitària. La mustra que serà en plaça dinc au 26 de seteme.

Lo dimèrcs 16 de seteme :
Conferéncia suu tèma "Çò qu'ei Occitània ?" dab Lionel Dupuy e Joan-Breç Brana en l'Amfiteatre de la Presidéncia.

Lo dijaus 17 de seteme :
11h : Vilatge Occitan dab taulèrs de las associacions e/o societats qui tribalhan mercés a la lenga e a la cultura occitana : Ostau Bearnés, In'Òc Aquitània, Vistedit, ÒcTele, Per Noste...
13h : Jòcs dab lòts a ganhar
18h : Concèrts dab Alidé Sans, Lo Collectiu Bearnés e Papà Gahús.

Lo dimèrcs 23 de seteme :
Conferéncia suu tèma "Un militantisme en Occitània ?" dab Alan Sibé e David Grosclaude en l'Amfiteatre de la Presidéncia.

Lo divés 25 de seteme :
Serada Concèrts a la Centrifugeuse dab Cocanha, Brick a Drac e Itaca Band - Entrada : 5€
A comptar 19h : Aperitiu-Cantèra

Mei d'entresenhas tot au long deu mes d'aost suu Facebook deu Med'Òc o sus la pagina de l'eveniment.