Seuvalada tostemps en gascon
Que hè adara 43 ans qui lo vilatge bearnés de Seuvalada e participa activament a la transmission de la lenga nosta mercés au son estagi intensiu. Augan que’s debanarà deu 24 dinc au 29 d’octobre.
 

Que hè adara 43 ans qui lo vilatge bearnés de Seuvalada e participa activament a la transmission de la lenga nosta mercés au son estagi intensiu. Augan que’s debanarà deu 24 dinc au 29 d’octobre.
Centenats de personas que son passadas per Seuvalada despuish 1973 e cada annada, los estagiaris que vienen passar ua setmana, immergits en un vertadèr banh lingüistic en la lenga deu país, imaginat peu Miquèu Grosclaude. Un tribalh perseguit uei per l’associacion Silva Lata.
Cors intensius, conferéncias sus subjèctes culturaus e istorics en la lenga, encontre dab lo monde deu vilatge… que son los ingredients màgers de l’estagi. Augan ua serada hestiva que’s debanarà lo dijaus 28 dab la cantèra d’Ortès, shens desbrombà’s los mainats de l’escòla de Seuvalada qui seràn tanben de la partida.
Los ensenhaires e los conferencièrs que son personas confirmadas, acostumadas a la question de la transmission de la lenga. Silva Lata que tribalha en aliança dab lo CFPÒC e monde deus mèdias, de l’universitat e d’autes demieis deu monde culturau.
Aquesta setmana d’estagi qu’ei ubèrta a tots, grans debutants com los qui saben chic o hèra la lenga e qui’s desiran perfeccionar.
Qu’avetz dinc au 17 d’octobre entà v’inscríver.
Inscripcions en clicar ací
Entresenhas au 06 17 55 92 80 e 05 59 67 60 57 / contact@silva-lata.com
Possibilitats d’aubèrgament en lo vilatge