Serada de sostien tà La Setmana
Lo 24 de seteme, au complèxe Victor Hugo a Lescar, que's debanarà ua serada occitana dab bal trad e concèrt organizada en sostien au jornau occitan La Setmana...
 

Lo 24 de seteme, au complèxe Victor Hugo a Lescar, que's debanarà ua serada occitana dab bal trad e concèrt. Aquera serada perpausada per la Federacion Interregionau deus Mèdias Occitans (FIMOC) qu'ei organizada en sostien au jornau occitan La Setmana, editat per la SCOP de premsa Vistedit, basada a Lescar. Los beneficis creats a l'escadença de la serada que seràn versats sancèrament au jornau La Setmana. Ça-vietz numerós tà passar un moment deus bons de partatge e sostiéner la premsa en lenga nosta.

Au programa de la serada :
- 19H : cantèra-aperitiu, sauts bearnés
- 20H : Repaish (sus reservacion)
- 21H : « Arcolin », l'espectacle deu grop Los Seuvetons
- 22H : Bal tradicionau dab La Base Duo e Espartenhas
- 00H : Concèrt dab empont obèrt

Estanquet e restauracions sus plaça. Repaish sus reservacion.
Entrada paganta : Serada 25 € — Espectacle + Bal 18 € — Espectacle 10 € — Bal 10 €
Bal e espectacle a gratis taus mainatges dinc a 16 ans — Repaish mainatges (-10 ans) 5 €/10€
Participacion libra taus estudiants e demandaires d'emplec.

Reservacions e entresenhas mei a : gestion@lasetmana.fr o aus 05 59 81 02 59 (oraris de burèu) e 06 83 98 40 26.