Serada de partatge dab Los Pagalhós
L'AMAP de Lons que convida aqueste dissabte 6 de mai un deus grops emblematics deu Bearn : Los Pagalhós per ua serada "Partag'AMAP"...
 

L'AMAP de Lons que convida aqueste dissabte 6 de mai un deus grops emblematics deu Bearn : Los Pagalhós per ua serada "Partag'AMAP".
Ua AMAP qu'ei ua Associacion tau Manteniment d'ua Agricultura Paisana. L'idea qu'ei de har encontrà's productors e consomators e de bastir ua relacion de hidança tà aver produits de qualitat e de proximitat. Non i a pas nat intermediari, los prètz que son garantits aus productors e la qualitat aus consomators.
Arren d'estonant doncas d'arretrobar l'AMAP e Los Pagalhós amassats per ua serada a l'entorn d'aquestas valors de partatge e d'escambi !

Que balhan doncas rendetz-ve dissabte a comptar de 18H30 a la sala Gérard Forgues de Lons per un concèrt deus Pagalhós dab en purmèra partida lo grop Los Arrosecs. La serada qu'ei organizada per l'AMAP de Lons dab lo sostien deu Racing Club de Lons. L'entrada qu'ei a 10€ e a gratis taus mensh de 16 ans. Que podetz reservar en enviar un messatge a : amap.lons@gmail.com
Ua bevenda que'vs serà auherida tà cada entrada adulte crompada. Que i aurà tanben de qué minjar sus plaça dab l'aròu de productors locaus Los d'Ací.