Serada bearnesa taus mainatges Ayicians
L'associacion Les Calinous d'Haïti qu'organiza ua serada caritativa bearnesa lo dissabte 9 de genèr...
 

L'associacion Les Calinous d'Haïti, creada en 2004 per personas qui s’interessavan a Haïti e subertot pairs qui i adoptèn mainatges, qu'a per vocacion d'ajudar l'orfalinat ayician "La Maison de l'Espèr". Lo son prètzhèit qu'ei d'assegurar la vita vitanta e l'educacion deus mainatges. En collaboracion dab Dauna Jean, la directora de l'orfalinat, e en foncion deus besonhs que  basteishen accions.
Au començar compausada d’un detzenat de personas, l’associacion que beneficia uei deu sostien e deu hialat d’un centenat d’aderents e d’un milierat de simpatizants e lo son president qu'ei Dominique Uthurralt.

Dab la mira d'amassar moneda, qu'organiza doncas ua serada caritativa lo dissabte 9 de genèr a Luc e que serà bearnesa.
Au programa :

- 20H : Presentacion deus vòts de l'associacion,
- 20H30 : Concèrt deu grop polifonic femenin Escotatz
- 21H30 : Concèrt deu grop polifonic Los Seuvetons
- 22H30 : Bal gascon dab Lo Collectiu Biarnés

L'entrada qu'ei a 10€ e a gratis taus mainatges de mensh de 12 ans.
La reservacion qu'ei possible au 06 15 72 58 52.
Que i aurà crespèras e de qué bever un còp.
La serada qu'ei organizada dab lo sostien de la comuna de Luc e de l'associacion deus Caçadors de Luc.

Tà'n saber mei sus l'associacion : www.lescalinoushaiti.com