Sent-Jan qu’a lo huec a Lescar
La tradicion que serà arrespectada dimars lo 23 de junh a Lescar dab la Halha de Sent-Jan...
 

La tradicion que serà arrespectada dimars lo 23 de junh a Lescar, pr'amor que’s debanarà  la tradicionau Halha de Sent-Jan.
Aquera manifestacion hèra populara qu’ei organizada per l’Esquireta dab l’ajuda de la Calandreta de Lescar.

Au programa:

A 19h, suu pati de la Catedrala de Lescar, qu’ètz invitatz a dançar sauts e branlos bearnés e tà v’arrefrescar, un "Juranson d’aunor" qu’ei auherit per la municipalitat de Lescar. Qu'averatz lo parat de tastar quauques doçors preparadas e auhertas per l’Esquireta.

Tot aquò que serà seguit d’un repaish en tota convivéncia sus la « Plaça de l’Avescat », a comptar de 20h, on minjaratz çò tirat de la saca o las grasilhadas preparadas per la Calandreta de Lescar, acompanhadas de la musica deus grops Los Eclectics e lo Collectiu Bearnés.

Puish a 22h15 que començarà lo passacarrèra a las halhas qui’vs miarà de cap au Valon de Lescorra on lo lenhèr serà ahuecat.
Ua bona serada non se pòt pas acabar shens cantas e musica, cadun que s’i poderà har dinc a bohar las darrèras brasilhas.

De mei, lo vestit officiau de la Halha qu’ei un dequerò de blanc en haut e de negre au baish.

Mei d’entresenhas au 06 10 83 17 78.