Se voletz tot saber deus Esbagats de Montaner
Los joens Esbagats de Montaner que s'i hèn despuish quauquas annadas a cantar d'empont en empont. Lo lor purmèr album que vien de sortir e que s'intitula : "Se voletz tots saber"...
 

Los joens Esbagats de Montaner que s'i hèn despuish quauquas annadas a cantar d'empont en empont en Bearn, Bigòrra, Gèrç e Garona Nauta. Compausat de 3 votz de baisha, 2 de bariton, 2 de melodia-segond tenòr e de 2 hautas-purmèrs tenòrs, lo grop qu'ei miat per Michel Pucheu, lo cap de còr. Qu'interpretan cants polifonics tradicionaus o mei contemporanèus mes tanben cants de gaièra. La màger part que son en bearnés e en francés e quauques uns en basco o espanhòu. Que'us podetz arretrobar adara sus un CD. Lo lor purmèr album que vien de sortir e que s'intitula : "Se voletz tots saber".

La serada de lançament que's debanè lo dimèrcs 28 de deceme passat a Montaner au Larèr Rurau, ua beròja serada dab un concèrt deus Esvagats e solide ua cantèra. Se non i èratz pas que poderatz trobar lèu lèu lo CD en la botiga de l'Ostau Bearnés.

Informacions mei : esbagats@gmail.com o au 0675819873 - http://esbagats.wixsite.com/los-esbagats