Sauvar Ràdio Auloron
Benevòles e salariats de Ràdio Oloron que s'amassan tà sauvar la ràdio...
 

Sauvar Ràdio Auloron !
Qu’ei devath aquera banèra los benevòles e salariats de Ràdio Auloron, secutats per maishantas difficultats financèras, qu’an decidit de s’amassar entà ua campanha de finançament participatiu aviada divés passat sus la platafòrma Bulbintown.



Qu’an 90 dias entà escàder a amassar 5000 € de dons, dab contrapartidas qui van deus mercejaments en dirècte dinc a anóncias auheridas o quessòts e cartas d’aderents.
Lo prètzhèit solide qu’ei de conservar los emplecs miaçats a la ràdio e donc de contribuir a sauvar Ràdio Auloron, indispensable en lo paisatge mediatic deu pemont auloronés e present en totas las grans manifestacions a l’entorn de la lenga e de la cultura nosta, com lo Carnaval Biarnés o Hestiv’Òc.
Un conselh d’administracion que’s deu amassar abans Nadau donc un ahar a seguir…
Entà balhar « un cop de man » a Ràdio Auloron, clicatz ací.
 

Que poderatz tanben anar deu costat de la Catedrau Senta Maria d'Auloron dimenge a comptar de las 3 òras deu vrèspe. Que s'i debanarà un concèrt de sostien dab los grops : Montanhas e Ribèra, La Pastorala Samaritana, Los cantaires deu Haget, Tanat e quauques suspresas... L'entrada que i serà libra mes necessària.

Mei d'entresenhas sus la ràdio : www.radiooloron.fr