Salon deu libe de Pau
Las edicions Letras d’òc - Camins, Reclams e Per Noste que seràn presentas totun au Salon deu Libe de Pau, "Les idées mènent le monde", qui's debana aquesta dimenjada...
 

Se los editors de libes en lenga nosta e son relegats en baish dab los "petits editors", las edicions Letras d’òc - Camins, Reclams e Per Noste que seràn presentas totun.
Lo salon deu libe de Pau "Les idées mènent le monde" que's debanarà deu divés 21 de noveme a las 2ò deu vrèspe dinc au dimenge 23 de noveme a 6ò lo ser au Palais Beaumont.

Letras d'òc que i seràn lo divés de las 2ò deu vrèspe enlà, lo dissabte de 10ò lo matin dinc a 8ò lo ser e dimenge de 10ò lo matin dinc a 6ò lo ser.
Que serà lo parat tad era de presentar solide tots los sons obratges mes tanben las nautats soas :

- "Lo Rei de las Agraulas" de J. F. Bladé

- "Coma un crostet darrèir un cròfe" de D. Escarpit

Entresenhas : www.letrasdoc.org

Las edicions Reclams que'vs perpausaràn d'encontrar los sons autors au taulèr de l'InÒc Aquitània, a la sala deus Ambaishadors.
Eric Fraj que presentarà la reedicion deu son essai "Quin occitan per deman ? Lengatge e Democracia" lo divés 21 de noveme 2014, a comptar de duas òras deu vrèspe.
Sèrgi Javaloyès tanben que i serà entà partatjar e presentà'vs los sons obratges, enter los quaus ei lo darrèr, "Sorrom Borrom", parescut en 2010.
Qu'auratz tanben lo parat de descobrir las darrèras nautats : la reedicion d'"Arantxa" d'Eric Gonzales e "Camins per baish" de Joan-Pèir Masdiset.

Tà'n saber mei : www.reclams.org

Per Noste que'n profieitarà solide tà presentar lo son navèth diccionari "Diccionari intermediari occitan-francés de Gasconha" de P. Guilhemjoan & E. Harrer.
En aqueste diccionari intermediari, qui ei destinat au monde qui aprenen la lenga, que siin collegians, liceans o adultes, dinc au nivèu B2 deu Quadre europèu comun de referéncia tà las lengas, que caben 25 000 entradas.
Que son redigidas dens l’amira d’estar autan completas com possible, dab exemples d’emplec numerós, entà que los qui se’n sèrven agin mei d’escadença de trobar lo sens precís deu vocable qui cèrcan.

Mei d'informacions : www.pernoste.com

Que'n profieitam tà felicità'us peu lor tribalh e la lor volontat e que citam Letras d'Òc : "Per estar petits, que demoran valents e hardits !"

Que podetz arretrobar lo programa sancèr deu salon sus : www.lesideesmenentlemonde.fr
E totas las entresenhas, suus nostes editors en lenga nosta sus :