Rendetz-ve tà la batalèra de mai
La batalèra mesadèra de l'Ostau Bearnés e de la Civada d'aqueste mes que's passeja deu costat de Vilhèra...
 

Com cada mes, l’Ostau Bearnés que s’i torna dab la Civada entà organizar la lor batalèra mesadèra.

La qui vien que’s debanarà lo dijaus 7 de mai, a comptar de 18h30, au Cafè Suspenut a Vilhèra. Nat tèma retienut aqueste còp, meilèu un partatge d’experiéncia.

En efèit, aprenents de cors taus adultes de l’aglomeracion paulina que vieneràn dab lo lor professor entà’ns díser lo lor caminament personau de cap tà la lenga. Perqué an causit d’apréner l’occitan ? E l’utilizan en dehòra deus cors ? E son interessats par la cultura occitana (literatura, musica…) ? Aquestas questions e d’autas que’us seràn pausadas e que permeterà un còp mei de discutir a pos e d’escambiar en tota convivéncia com s’i hè a cada batalèra.

Aqueste moment de discussion que serà lo parat tanben de descobrir los prètzhèits e las activitats de l’associacion qui ns’arcuelha peu dusau còp : lo Café Suspendu.

Si voletz mei d’entresenhas sus la batalèra deu mes de mai : handy@ostaubearnes.fr o 05 59 30 60 34

Entà conéisher mei l’associacion Café Suspendu, contactatz Hélène au  O6 50 67 27 63 o helene@cafe-suspendu.org - www.cafe-suspendu.org