Rendetz-ve au Musèu
L'equipa deu Musèu Joana de Labrit d'Ortès que'vs perpausa un encontre especiau a l'entorn d'un cafè o d'un tè e de quauques boniquerias, lo dissabte 17 de deceme. Crestian Lamaison e Gilabèrt Narioo, qui an tribalhat a la parucion deu darrèr libe deu regretat Robert Darrigrand, qu'evocaràn la genèsi e las estapas de l'elaboracion d'aqueste obratge...
 

Lo Robert Darrigrand que'ns deishè au mes de julhet passat. Autor de la famosa "Iniciacion au Gascon", que s'ei tanben interessat hèra a l'Istòria deu protestantisme bearnés e que consacrè las soas darrèras annadas au Musèu Joana de Labrit d'Ortès. Que tribalhè sus ua edicion critica bilingua suu libe escrivut per Arnaud de Salette "Pregaris ecclesiasticas e catechismas" e publicat en 1583 a Ortès.

Qu'ei doncas un encontre especiau qui'vs perpausa l'equipa deu musèu, lo dissabte 17 de deceme tà har la presentacion d'aqueste darrèr obratge deu Robert Darrigrand. Qu'organiza un eveniment a l'imatge deu son regretat president, conviviau e simple. Atau, Crestian Lamaison e Gilabèrt Narioò, qui an tribalhat a la parucion deu libe, qu'evocaràn, a l'entorn d'un cafè o d'un tè e de quauques boniquerias, la genèsi e las estapas de l'elaboracion d'aqueste obratge tant estimat peu son autor.

Rendetz-ve doncas au Musèu Joana de Labrit lo dissabte 17 de deceme a 16H30. L'entrada qu'ei a gratis e la participacion libra tà las bevendas e las còcas.

Mei d'informacions : http://museejeannedalbret.com/