Purmèra serada gascona entaus colegians de Garlin
La classa de 4au deu Collègi Joseph Peyré que clava ua annada a l'entorn de las tradicions gasconas...
 

Aqueste divés 6 junh, las arenas de Garlin qu’arcuelharàn la lor purmèra serada gascona.

Aqueth eveniment qui s’anoncia hestiu e conviviau, que vederà aus eslhèves de classa de 4au deu Collègi Joseph Peyré de Garlin préner ua part importanta ad aquera serada. Despuish lo debut de l’annada, los colegians qu’an descubèrt las tradicions gasconas, que’s son formats a las cantas e danças tradicionaus per encontres regulara d’artistas, pedagògues e intervienents.

19h15-20h30 :

Los eslhèves qui miaràn un talhèr d’iniciacion a las danças gasconas entau public present, mei precisament a las danças tradicionaus en cople (valsa, pòlca, masurca), rondèus e sauts bearnés. Tots los nivèus e los debutants que seràn los planvienguts.

20h30 :

Bal dab lo grop Pass’Aires. Los musicians lanés que saben partatjar dab lo lor public l’energia e las emocions de las musicas popularas e deu cant tradicionau.

21h45 :

Ua susprèsa qu’ei prevista…dab un grop invitat sus l’empont.

A notar que lo vrèspe que serà consacrat aus mainats de l’escòla mairau qui vieneràn en la sala polivalenta entà encontrar los musicians e inicià’s aus instruments tradicionaus dab Matiu Dufau.

Entrada a gratis a las arenas a comptar de 19h15. Aplec a la sala polivalenta de Garlin si a ploja.

Qu’averatz la possibilitat de’vs restaurar e ua bodega que serà prepausada peu Comitat de las Hèstas.