Preparatz-ve au Gran Borrat !
Ua navèra segotida que va préner la sala de la Gespe a Tarba, lo dissabte 12 d’abriu...
 

Cinc ans dejà que s’i parla d’Occitania, que s’i canta hèra, que s’i escambia,…Qu’ei lo tornar deu Gran Borrat.

Lo prètzhèit d’aqueste hestenau qu’ei d’aviar un eveniment a l’entorn de las musicas ligadas a las lengas minoritàrias, de har la promocion de la navèra scèna occitana, e d’organizar encontres artistics dab grops qui partatjan las medishas valors.

E augan, ua navèra segotida que va préner la sala de la Gespe a Tarba, lo dissabte 12 d’abriu, a comptar de 21h.

La purmèra partida de la serada que serà consacrada au Canta Se Gausas.

Adara que’n coneishetz lo principi : Purmèr, cantaires e tres categorias (òmis, hemnas e mixte), puish tres cantaires tirats au sòrt entà apitar un grop d’occasion qui a 30 minutas entà preparar la canta tradicionau de la lor causida abans de la cantar en polifonia sus l’empont. Qu’ajustatz un public plaçat tot a l’entorn de l’empont e qu’avetz un concèpte originau, hèit entà har vàler e actualizar aqueth bèth tròç deu patrimòni pirenenc qu’ei la canta.

 

La segonda partida que vederà la vienuda d’André Minvielle dab lo son Ti’bal Tribal. Com ac dit l’artista bearnés, lo son espectacle qu’ei « un bal de tots los accents, los accents deu bal tà har dançar la memòria ».

Mesclanha d’influéncias musicaus, Ti’bal Tribal qu’ei a l’imatge deu Minvielle, au còp cantaire, en francés e en occitan, percussionista, inventor de la vocauquimia, mesclanha era tanben de rap, de scat, de blues,…

En dus mots, de non pas mancar !

 

Entresenhas mei : www.cantasegausas.com - www.andreminvielle.com - www.lagespe.com