Polifonias còrsas e bigordanas a Ortès
D'Òc si Gausas que torna organizar lo son concèrt de Nadau dab lo sostien de l’associacion Cultura de Noste...
 

Après la beròja escaduda deu son hestenau deu Pati au parat de las hèstas d'Ortès, l'associacion D'Òc si Gausas que torna organizar lo son concèrt de Nadau dab lo sostien de l’associacion Cultura de Noste.

Que's debanarà lo dissabte 27 de deceme a 8 òras e mieja deu ser e augan, que son votz còrsas e bigordanas qui retreniràn en la glèisa Sent Pèir d'Ortès dab los grops Canta di Core e Vox Bigerri.
L'entrada qu'ei de 10 € taus adultes, a gratis taus mainats de mensh de 12 ans e de 8 € taus sòcis de l’associacion.
A la fin deu concèrt, la serada que contunharà dab lo vin caut auherit.
Solide que s'i cantarà enqüèra...

L’associacion d'Òc Si Gausas creada en 1995 peus pairs deus calandrons d’Ortès, qu'a un prètzhèit : la promocion de la cultura occitana e deu bilinguisme per l’organizacion de manifestacions culturaus e artisticas.
Qu'ac hè hèra plan au parat deu son hestenau au Patí on se mesclan mantuns estiles musicaus e on s'acòrdan tradicion e modernitat !

Entresenhas : docsi.gausas@yahoo.fr