Òc ! Per la lenga occitana !
La « Coordinacion per la lenga occitana » qu'apèra a ua mobilizacion ciutadana lo 24 d’octobre a Montpelhier...
 

La lenga occitana qu'ei considerada per l’UNESCO com ua lenga en « dangèr seriós d’extincion ».
Cap ad aqueste perilh creishent e aus risques de regression qui miaçan la lenga nosta, la « Coordinacion per la lenga occitana » qu'apèra a ua mobilizacion ciutadana tà ua gran manifestacion sociau e reïvendicativa en favor de l’occitan, lo :

                                     Dissabte 24 d’octobre 2015, a las 2ò deu vrèspe a Montpelhier

La Federacion Departamentau de las Calandretas deus Pirenèus Atlantics qu'organiza doncas dus bus tà anar dinc a Montpelhier.

Lo purmèr que va partir d'Ortès a 6ò lo matin deu parcatge de l'estadi de rugbi e que s'estancarà a Pau a 6ò30 au parcatge deu Zenit. Que s'en tornarà de Montpelhier a 6ò30 lo ser.
Lo dusau que va partir deu parcatge deu Zenit de Pau a 6ò lo matin dab un tornar a 11ò lo ser de Montpelhier.

La data limita d'inscripcion qu'ei lo 16 d'octobre.
Las tarifas que son de 38€ per adulte e 20€ per mainat de mensh de 14 ans.
En foncion deu nombre d'inscrivuts, la federacion que's reserva lo dret d'anullar l'un deus bus.

Que trobaratz aci lo bulletin d'inscripcion.
Se non podetz pas anar manifestar que podetz ajudar la federacion en tornar lo bon de sostien dab un chèc.
 

Mei d'entresenhas sus  www.anem-oc.org o au 05 59 68 68 73