Òc-Bi Aquitània que recruta
Òc-Bi Aquitània, associacion de parents d’escolans e d'ensenhaires, que recruta un dusau encargat de mission...
 

L’associacion Òc-Bi Aquitània qu’ei ua associacion de parents d’escolans e d'ensenhaires qui hè la promocion de l’occitan en l’ensenhament public. Lo son prètzhhèit qu’ei tanben d’informar de l'interès de la transmission de las lengas regionaus, de l'existéncia e deu foncionament de las escòlas bilinguas, ajudar los parents d'escolans interessats per l’accion, sostiéner de las animacions culturaus, escambis o edicions pedagogics e comunicar dab las institucions.

Peu moment qu'a un encargat de mission en la persona de Clément Flouroux e que vòu recrutar un dusau emplegat en CDI a 35 òras dab un temps de pròva de 4 mes per un salari mensua de 1 500€ net.

Las soas missions que seràn au demiei d'autas causas : 

- acompanhar l'Educacion Nacionau tau desvolopament de las cordèras bilinguas,

- mestrejar ua coneishença fina de l'esctructura escolara,

- convéncer la comunautat educativa de l’interès l'ensenhament bilingüe francés-occitan,

- har la promocion e desvolopar la coneishença de l'ensenhament bilingüe francés-occitan...

Las competéncias demandadas que son : 

- Aver ua formacion minimala (bac + 3) dab competéncias en lenga occitana (lengadocian e/o lemosin) e ua bona coneishença de la soa cultura,

- Mestrejar los logiciaus de burotica e los hialats sociaus,

- Aver de bonas qualitats d’organizacion e de gestion de projèctes, saber tribalhar en autonomia,

- Qualitats relacionaus, facilitats oraus e capacitats d’argumentacion que son indispensablas, 

- Permís de miar exigit, facilitat de desplaçament, pas aver paur de har quilomètres. 

S'ètz interessat que podetz arretrobar l'auherta d'emplec sancèra ací

Qu'avetz dinc au 20 de heurèr tà enviar un CV dab ua letra de motivacion a : ÒC-BI Aquitània - 16 rue de Pujols - 47300 Villeneuve sur Lot dab ua copia per corrièr electronic a : ocbiaquitania@free.fr e martine.ralu@orange.fr