ÒcTele que'ns vesia en aqueste començament d'annada
La rentrada qu'ei cargada au nivèu de la programacion de la television 100% en occitan...
 

La rubrica cinèma d'ÒcTele qu'ei ubèrta dab un filme de ficcion, un long metratge classic : "L'Orsalhèr" de Jean Flechet qui amassè 300000 espectators au parat de la soa sortida en sala en 1983.

Aquera òbra qu'ei disponibla en la grasilha e a la demanda despuish lo 12 de genèr e que coneish dejà ua beròja escaduda. Non manquetz pas aqueth filme, l'un deus sols longs metratges en occitan rodat au dia de uei.

Los petits e los grans amators de dessenhs animats que son vesiats tanben dab un navèth episòdi aquesta setmana de Trotet : "Trotet que s'apelha". Qu'ei dejà l'episòde 22, que'n demora sonque tres en gascon puish a que los 13 seguents que seràn en lemosin.
Cornilh e Bernat que son tornats au parat de las vacanças de Nadau e dab un navèth episòdi tostemps autan pèc titolat : "Se n'es mancat d'un pel".

Lo documentari produsit per OCPROD "Paratge lo movement d'ÒC e d'aqui" qu'ei tanben accessible en la grasilha e a la demanda despuish Nadau. 30 minutas tà har lo torn de la creacion contemporanea occitana au còr deu Hestenau Paratge de Bordelha.

Enfin, lo dijaus 22 de genèr en dirècte de Dacs que's debanarà lo navèth D'ÒC Show : "Klaus 5 ans après". Ua emission a perpaus deu país landés dab en tèla de hons, l'environament, l'ecologia, l'economia, cinc ans après los desastres de la tempèsta Klaus e solide musicas, contes, cronicas, videos...

Entresenhas mei sus www.octele.com