Navèth aperet de Ràdio País !
Lo messatge arrecebut de Francés Lassabe, lo president de l’associacion...
 

Quauques setmanas a, que’vs parlavam de la situacion financèra mauaisida de la nosta associacion sòcia Ràdio País e que semblaré qu’estossetz numerós a responer ad aqueth aperet. Que v’en arremerciam.

Uei, que’vs hem passar lo messatge arrecebut de Francés Lassabe, lo president de l’associacion. Que’n trobaratz aci devath un extract mes que podetz telecargar la version sancèra e arrevirada en francés en clicar aci :

« Ràdio Pais qu'ei despuish 31 ans au servici deu pluralisme, un programa de modernitat, mutualizat, professionalizat, panoccitan, e interculturau. Los dus mes escolats despuish l'AG estatutària deu 24 de mai de 2014 que son estat ua espròva dab un administrator…

…Ràdio País qu'ei 24/24h e 7/7d.

Autant que's pòden enténer las criticas, reparar las errors e melhorar çò qui a de n'estar.

Autant que's sap la valor deu tribalh realizat cada dia per equipas motivadas.

Au cap de mei de dus mes d'essai de collaboracion au Conselh d'Administracion, dens ua situacion

financèra com sabetz pas evidenta tà Ràdio País tostemps en cèrcas d'un hons de rotlament, que

calèva tirar conclusions. De cara a ua situacion blocada e en l'abséncia d'un projècte d'endom qui a

deu mau a passar lo desapitar de çò de hèit, l'ensemble deus administrators de l'associacion de

sostien a Ràdio País en Bearn dont lo president, que demissionèn de la Federacion.

L'associacion de sostien a Ràdio País en Bearn que's retira temporàriament de la Federacion

VAP Ràdio País entà har vàler la soa analisi deus mejans umans, financèrs e organizacionaus

de l'utís Ràdio País.

Salariats e productors benevòles de Ràdio País que vòlen apitar un navèth projècte qui entenen

valorizar dens la Federacion Vivre au Pays Ràdio País.

Mercés de v'associar en nombre a la demarcha.

En comptar dab vos e en ve hant aunor

 

François Lassabe, Joan Francés Tisnèr, Domenja Lekuona »