Navèra lei tà las lengas regionaus
Lo 11 d'octobre passat France, lo blòg de Viure al País de France 3 que ns'anonciè qu'un navèth projècte de lei tà las lengas regionaus e seré depausat a l'Assemblada Nacionau per Annie Le Houérou, deputada de las Còstas-d’Armòr...
 

Lo 11 d'octobre passat France, lo blòg de Viure al País de France 3 que ns'anonciè qu'un navèth projècte de lei tà las lengas regionaus e seré depausat a l'Assemblada Nacionau per Annie Le Houérou, deputada de las Còstas-d’Armòr. Dimars matin, la proposicion qu'èra en discussion davant la comission deus ahars culturaus. Signat per 143 deputats socialistas o aparentats, lo tèxte que passè shens empach e shens nada modificacion. Annie Le Houérou que'n serà la raportaira e Jacques Cresta, députat PS deus Pirenèus Orientaus, lo responsable. Lo son examen qu'ei previst lo dimèrcs 30 de noveme.

Questionada peus jornalistas de Viure al País lo 15 d'ocotobre, Annie Le Houérou qu'ei tornada suu contiengut de la lei. Compausada de 8 articles, que pertòca l’ensenhament de la mairau dinc a l’universitat, mes pas l’ensenhament imersiu de las calandretas, diwans, ikastola, bressolas... e tanben la senhaletica e los mèdias sonque la television. Que podetz arretrobar las soas responsas e l'article sancèr suu blòg VAP : ACI

Se la proposicion poderé estar adoptada a l'Assemblada Naciona, que sembla totun hèra mei complicat deu costat deu Senat. De seguir...