Maria Bartete la navèra eroïna de la pastorala de Monenh
L’associacion La Pastorala de Monenh que presentarà ua pastorala « de bastons », un conte poetic bilingüe (francés e bearnés), titolat « La cançon de Maria Bartete », los dissabte 17 e dimenge 18 de seteme.
 

L’associacion La Pastorala de Monenh que presentarà ua pastorala « de bastons », un conte poetic bilingüe (francés e bearnés), titolat « La cançon de Maria Bartete », los dissabte 17 e dimenge 18 de seteme.
Maria Bartete qu'estó la darrèra hemna morta au camp de forçats.
La pastorala que tracta de la soa vita tragica d’orfanina, vaduda a Monenh, presa enter lo ben e lo mau, e enviada en 1888 au camp de forçats en Guaiana per un simple panatòri au taulatge. Maria Bartete que hè partida de l’istòria de la comuna e ua pèira qu'estó quilhada en la soa memòria en octobre 2014 au quartièr Trouilh, près deu son lòc de neishença.

L’escritura e la mesa en scèna que son d'Alain Munoz qui s'ei inspirat deu libe de Katia Ferré "Graine de bagnarde". L'espectacle qu'ei bastit segon lo principi de las pastoralas de bastons, que serà parlat e cantat en francés e en bearnés, dançat e escandit peus bastons trucats au sòu. Que troba doncas la  soa plaça en l'encastre de las Jornadas deu Patrimòni. Los comedians que son tots amators de Monenh o de villatges vesins.

Rendetz-ve lo dissabte 17 a 20H30 e/o lo dimenge 18 de seteme a 17H, Sala deu Pont-Lat a Monenh.
Tarifas : 5 € e a gratis taus mensh de 12 ans.


Reservacions auprès de l’Ofici de Torisme Còr de Bearn a Monenh au 05 59 12 30 40.
Avisatz-ve, tienut compte de la configuracion particulara de l'espectacle, lo nombre de plaças qu'ei limitat !