Marcats a Assat e Bornòs
L'associacion lo CLAB, Conservatòri deus Legumes Ancians deu Bearn a Assat e Guillaume e Alexia Sarraillé de la bòrda Las Arradits de Bornòs qu'organizan dimenge un marcat de plants e de productors.
 

L'associacion lo CLAB, Conservatòri deus Legumes Ancians deu Bearn, qu'organiza dimenge un marcat de plants e de productors. Que serà la tresau edicion e que i poderatz descobrir mantuns plants de legumes, bio, de plantas aromaticas o medicinaus, rars e de flors. Que i aurà tanben  hèra de productors : saburas e tisanas, produits hèits dab persecs, pastas alimentàrias fabricadas dab hroments ancians bio, vins, produits leitèrs bio, hromatges de craba, pòrc fresc, carnsalada, sabons e cosmetics bio, mèu naturau, pan de mèu, nogat, shucs de pomas e d'arrasims, confituras, mongetas en consèrva... Arretrobatz la lista deus productors ací. Un artisan tisterèr que perpausarà estructuras vivas en vimi e objèctes.

Tota la jornada que poderatz seguir visitas guidadas deu casau-vergèr.
Estanquet e grasilhadas que son prevists sus plaça.
Rendetz-ve doncas lo dimenge 14 de mai de 10ò lo motin dinc a 5ò lo vrèspe au CLAB : 3 bis route du Bois D215 64510 ASSAT
Informacions mei : clab64.fr



Guillaume e Alexia Sarraillé de la bòrda Las Arradits de Bornòs que v'espèran numerós dimenge tanben tà la lor "Hèsta de la prima". Au programa de la jornada :

- 11H : Talhèr pan au borider cueits au horn a lenha - Durada 45 min, 5€/persona sus inscripcion au 06.84.56.38.82 o lasarradits@gmail.com
- 12H : Demostracion de fabricacion de toma d'aulha e de grulh - A gratis
- 12H : Disnar : Assietta de la bòrda dab salada de cruditats, merguesa, polenta o pantauleta dab los produits deu marcat
Acompanhat peu quartet polifonic Maishanta Lenga
- 14H : Demostracion de talha de pèira e husta - A gratis
- 15H : Demostracion de tóner de moton dab cisèus e tonedera - A gratis
- 19H : Aperitiu en musica dab Les Shamrocks, Trad irlandés
 

E tota la jornada : Marcat de productors e artisans locaus : hromatges de craba, hromatges d'aulha e pan, carnsalada, legumes bio, vin bio, bièrra artisanau, mèu e produits deu caven, biscueits artisanaus, plants de legumes, sabons e cosmetics naturaus, plants de legumes, flors e aromatics, terralha, creacions costura e pintrura. Tà véder la listya sancèra deus productors, clicatz ací.
Informacions mei au 06.84.56.38.82 o lasarradits@gmail.com