Lutzada suu patrimòni aquera dimenjada
Com cada tresau dimenjada de seteme, que tornan las Jornadas Europèas deu Patrimòni...
 

Com cada tresau dimenjada de seteme, que tornan las Jornadas Europèas deu Patrimòni. E com cada annada, las visitas e animacions prepausadas que muishan tot lo riquèr culturau deu noste país bearnés.

Au demiei deu programa cargat de las jornadas deu dissabte 20 e dimenge 21, que’n podem mentàver quauques-uas qui balhan la màger part a la lenga e cultura nosta :

 - Visitas guidadas en occitan deu Parlament de Navarra a Pau (lo dimenge a 10h30, 12h30, 14h30 e 16h30)

- Visitas bilinguas francés-occitan de la comandaria e de la glèisa de La Comanda (lo dimenge a 11h, 14h30, 16h)
 - Descobèrta deu vilatge de Sauvanhon « Com cent ans a » (la jornada deu dimenge : conferéncia, garburada, animacions, iniciacions a la quilhas, cantèra…)
     
Ne vam pas detalhar ací la rèsta deu programa mes que podem totun notar las iniciativas de duas associacions. Purmèr, Cultura de Noste d’Ortès qui organiza lo « Dia deu Patrimòni » deu costat de Salas de Baura, lo dissabte 20 :

15h a 18h : Passejada comentada en francés e bearnés dab quate estancs. A cada còp, cantas tradicionaus dab la cantèra d’Ortès.
18h a 19h : Quilhas de 9. Iniciacion e demostracion.
19h a 20h30 : aperitiu-cantèra-repaish - 12 euros (vin comprés) taus adultes e 6 euros taus mainats. Inscripcion au 05 59 65 34 41.
21h : « Perrecs e Plumas, Tot que huma » : espectacle de teatre en francés e gascon, cants e danças tradicionaus dab lo grop de hemnas deu Larèr Rurau d’Escòs (entrada a gratis)

Puish a Monenh, la Pastorala de Monenh, dab l’ajuda de l’empontaire Alain Muñoz, qu’a apitat un espectacle titolat « Que v’aimi tendrament de Monenh dinc a las trencadas », hèit en partir de letras  deus peluts prestadas per las familhas de Monenh, articles de premsa, tèxtes d’epòca…. Que serà lo parat de mesclar Dias deu Patrimòni e commemoracion de la Gran Guèrra.
Duas representacions que son previstas a la Sala Saint-Girons, lo dissabte a 20h30 e lo dimenge a 17h.


Entau programa sancèr de la Jornadas deu Patrimòni on que siatz, rendetz-vos suu site
www.journeesdupatrimoine.culture.fr