Los rendetz-ve de Calandreta
La Federacion Departamentau qu'organiza ua amassada publica d'informacion suu projècte de creacion d'ua escòla Calandreta en lo sector èst deu departament...
 

La Federacion Departamentau qu'organiza ua amassada publica d'informacion suu projècte de creacion d'ua escòla Calandreta en lo sector èst deu departament qui's debanarà : lo dissabte 17 de seteme a 10.00 deu matin a la maison comuna de Somolon au 1èr solèr.

L'associacion Los hadets, gerida peus pairs de l’escòla Calandreta Titouan Lamazou de Masèras-Leson, qu’organiza la soa purmèra caminada. Que serà bucolica e artistica e que s’acabarà per un repaish a la bòrda. La caminada qu’ei obèrta a tots.
Rendetz-ve doncas lo dimenge 25 de seteme a Rontinhon, partir de la caminada a 9:30 deu matin (6 km) e repaish a comptar de 12:30 au lòc-dit deu « Barbe paresseux ».
Prètz de la caminada e deu repaish adulte 15€, repaish mainatge 6€ (caminada a gratis)
Prètz de la caminada adulte 5€.
Pensatz a reservar tau repaish abans lo 21 de seteme au 07 68 13 36 44. Tà la caminada sonque, que'vs poderatz inscríver sus plaça.
Ua caminada a har en familha o enter amic(ga)s dab un hèish de suspresas musicaus, artisticas e gastronomicas dab improvisacions teatraus.

Enfin, Nadau que serà a Asson au Hall deus espòrts lo divés 14 d'octobre tà un concèrt organizat per la Calandreta de Lis. Reservacions au 05 59 72 56 29 o 05 47 92 74 21.

Totas las informacions que son sus http://www.calandreta-bearn.org/federacion-calandreta/