Los petits que son viciats...
Hiu de lutz sus las darrèras sortidas en çò de Per Noste au taulèr literatura taus mainats...
 

L'associacion Per Noste, creada en 1960 peu Roger Lapassada, que tribalha au desvolopament de la lenga e de la civilizacion occitanas de Gasconha.
A despart de la revista País Gascons, l'associacion qu'a editat mei de 100 títols despuish la soa fondacion de nombrós autors, en francés, en occitan o bilingües.
Que podetz arretrobar en la botica de l'Ostau ua seleccion de libes taus mainats :

- La gatamina qui avè hèra de hami de Eric Carles : un àlbum entaus mei petits
Un classic hèra coneishut. Que hè quasi cinquanta ans qu'aquera gatamina existeish, shens aver perdut arren deu son succès dab los mainats ! Un libe qui escad la proessa de har descobrir en medish temps los jorns de la setmana, los aliments, las chiffras, lo cicle de vita deu parpalhon… e de retiéner l’atencion dab aqueths famós horatòts ! 17€

- Tres ueus d'Eric Battut : un àlbum entaus petitons.
Tres ueus en un nid, un negre, un blanc e un pigalhat.
Piu piu ! Un auseron blanc que sòrt de l’ueu.
Piu piu ! Un auseron negre que sòrt deu son, e tots dus qu’espian l’ueu pigalhat au miei deu nid.
— Anem, haut ! Tà dehòra ! ce s’escridan.
Mes an rason de’s desbarrassar deu tresau ueu ? 16€

- Museta murgueta de Stéphane Milleron e Quitterie Laborde : un àlbum taus mainats
Harta deu brut deus vesins, Museta la murgueta que’s dèisha lo solèr e que se’n va en cèrcas d’un navèth sobac. Pendent lo son viatge, qu’encontra bèstias hèra diferentas d’era, mes nada non la pòt arcuélher. Lavetz, qui volerà partatjar soa casa e obrí’u lo còr ? 19.50€

- Com lo lop blanc d'Eric Battut : un àlbum illustrat taus mainats
Peu miei de la garena qu'avèvam hicat la taula, aprestat las carròtas, separat la bona èrba de la maishanta. Qu'èram tots amassats. Mes, a un cap de la taula, ua lèbe aurelhuda, de la longa mostacha, deus uelhs rois lusents e tota blanca, d'un còp de pata que s'atracè la tavalha e que hasó aurelhas sonque au son vente. Aquera lèbe qu'expliquè lo son plan : ua garena tròp petita, tà un pòble tròp gran…
Atge : Autanlèu 6 ans 15€

- Pèir e lo lop de Sèrgi Prokofiev, Illustracions de Phil Castaza : Àlbum & CD
Conte revirat e dit per Patric Guilhemjoan
Orquèstra « Saison Russe » gavidada per Andreï Tchistiakov
Conte musicau taus mainats op. 67
En aqueste conte musicau, cada personatge de l’istòria qu’ei assegurat per un instrument diferent : l’ausèth per la flabuta, lo guit peu clarin, lo gat per la clarineta, lo pairan peu basson, lo lop per tres còrns, los caçaires per las timbalas e la gròssa caisha, e tà acabar, Pèir, l’eròi, peus instruments de còrdas. Adara qu’ei hèita la presentacion, descobrim las aventuras de Pèir e lo lop…
Atge : Autanlèu 3 ans 16€

TOTS LOS LIBES PUBLICATS PER PER NOSTE QUE SON EN VENTA EN ÇÒ DE PER NOSTE 34 TER, PLAÇA DEU HERALH A ORTÈS E EN TOTAS LAS BONAS LIBRERIAS.

Tà saber tot de las edicions Per Noste e comandar libes : www.pernoste.com