Los cantaires de l'Ostau que hèn las tornas
Après la vienuda deus bigordans au mes d'abriu, qu'ei au torn deus bearnés de's passejar en Bigòrra...
 

Lo 1èr d’abriu passat, un vintenat de cantaires bigordans, davantejat peu Pascal Caumont, que vienón en Bearn partatjar ua serada de cantèra au parat deu rendetz-vos mesadèr de canta tradicionau organizat per l’Ostau Bearnés et la Civada au Bar la Tireuse.

Un moment conviviau qui permetó de cantar solide, de har coneishénças, d’escambiar los repertòris…e de’s díser que s’i calerà tornar tà un aute còp. Que serà causa hèita lo dimèrcs 18 de noveme, a 20h, au pub lo Celtic a Tarba. Los dus grops que s’amassaràn entad ua beròja serada de canta com ac saben har los Gascons.

Entà facilitar lo viatge de cadun de cap tà Tarba, un co-veituratge qu'ei previst. Lo rendetz-vos qu’ei balhat a la Tireuse, plaça deu Heralh a Pau e lo despart que’s harà a 19h.

Mei d’entersenhas : 05 59 30 60 34