Los ahamiats de la canta a Valensun
L’associacion Cultura de Noste qu'organiza dab l’ajuda de la Peña Los Dos e deu grop Quinz'Amics, lo tresau Maraton de la Canta a Valensun...
 

Que calerà aver lo bohet solide e la votz segura. Lo Bearn qu’ei sovent aperat lo País de las cantas, e l’apellacion aquesta ne serà pas usurpada dissabte deu costat de Valensun.

L’associacion Cultura de Noste que i organiza, dab l’ajuda de la Peña Los Dos e deu grop Quinz'Amics, lo tresau Maraton de la Canta. Tota ua vrespada e ua serada en aunor de la canta tradicionau que v’aten dab un empont ubèrt, grops deu parçan d’Ortès qui’s seguiran tà’n cantar quauques-uas, un repaish e un concèrt… shens desbrombar ua cantèra de las granassas dinc a que los darrèrs valents e n’agin hartèra de cantar… e açò n’ei pas ganhat !

Lo programa deu Maraton de la Canta 2015 :

15h00 : Cantèra d’arcuelh
15h15 : Cants peus escolans de la Calandreta d’Ortès e deu RPI de Valensun-Castethins
15h45 : Empont ubèrt
16h00 : Los vilatges que cantan... Los cantaires deu talhèr mesadèr de Cultura de Noste que's son amassats tà formar 4 grops qui representaràn 14 vilatges : Bonnut, Semboès, Vaths,     Ossadjas, Ramós, Ortès, Arganhon, Lac-Audejòs, Lobienh, Ausencs-Montestruc, Castètbon, Lanaplaà, Orion e Valensun.
17h30 : Banda Occitana
18h00 : Empont ubèrt
18h15 :Los grops que cantan : Los Comelodians e Los Amics Purmèr
19h00 : Vin d’aunor, aperitiu e sopar dab los Còrns de caça de Semboès
20h30 : Concèrt dab los grops : Los Quinz’Amics e Los Hardidets de Maseròlas
22h30 dinc a… : Canterassa

L'entrada qu'ei a gratis. Non i a pas mei de reservacion possibla tau repaish mes que podetz viéner tau concèrt, totun.

Entresenhas : 06 34 12 68 24 o www.culturadenoste.com