Los ahamiats de la canta a Laneplaà
Que calerà aver lo bohet solide e la votz segura, lo Maraton de Canta qu'arriba...
 

Que calerà aver lo bohet solide e la votz segura. Lo Bearn qu’ei sovent aperat lo país de las cantas, e l’apellacion aquesta ne serà pas usurpada lo dissabte 8 de noveme, a comptar de 15h, deu costat de Laneplaà.

L’associacion Cultura de Noste qu’i organisa, dab l’ajuda deu Comitat de las hèstas deu vilatge, lo dusau Maraton de la Canta. Tota ua vrespada e ua serada en aunor de la canta tradicionau que v’aten dab un empont ubèrt, grops deu parçan d’Ortès qui’s seguiran tà’n cantar quauques-uas, un repaish, un concèrt 100% feminin… shens desbrombar ua canterassa dinc a que los darrèrs valents e n’agin hartèra de cantar… e açò n’ei pas ganhat !

Lo programa deu Maraton de la Canta 2014 :

15h : Cantèra d’arcuelh
15h30 : Cants per los escolans de la Calandreta d’Ortès e deu RPI de Valensun-Castethins
16h : Banda Occitana
16h30 : Empont ubèrt
17h : Los grops Amistat, Mozaïk e Comelodians
17h45 : Empont ubèrt
18h : Los grops Mélodie, Los Amics Purmèr e Quinz’Amics
19h : Vin d’aunor, aperitiu-cantèra e sopar
Platèus-repaish (10 €) sus inscripcions au 06 87 86 20 31 o 06 30 94 08 38 abans lo 3 de noveme.
21h : Concèrt dab los grops feminins : Estalh, Monesi e Taï Cosi
22h30 dinc a… : Canterassa