Los Pagalhós que soan la carga
Que s'en tornan au Teatre Monte Charge de Pau per ua serada de sostien...
 

Qu'èra 4 ans a... Brembatz-ve... Que ns'embarcavam a bòrd de Cantair France...
E'us avetz reconeishuts ?
Quiò, Los Pagalhós que s'en tornan au Teatre Monte Charge de Pau per ua serada de sostien.

Francofonia e mestissatge de las culturas, lo Teatre Monte Charge qu'ei ua Companhia de Creacion Internacionau qui creè lo son pròpi lòc de creacion a Pau.
Qu'ei mercés a l'engenh e a la determinacion de Betina Schneeberger e Alain Destandau, per torn maçons, plastrèrs, carrelaires, empaperaires, decorators o enqüèra pintres-acrobatas...que lo chai, au bèth miei deu quau e tronava un montacargas, e vadó lo Teatre qui coneishem.
Aquestas 20 darrèras annadas, 80 000 espectators qu'assistín aus 257 espectacles qui i estón programats.
Au dia de uei, après 38 ans d'existéncia e de tribalh tà har arrajar lo paisatge culturau paulin e departamentau, l'associacion Monte Charge que hè cap a numerós trebucs.

Atau, despuish lo 1èr d'octobre, mantuns artistas coneishuts o mensh coneishuts mes qui marquèn l'istòria deu teatre, e's succedín tà har aunor au Monte Charge.

Que serà doncas lo cas deus Pagalhós, militants de la purmèra òra, qui tornaràn pujar sus l'empont deu teatre dissabte ser a comptar de 8 òras e mieja tà muishà'u lo lor sostien.

Entresenhas : 05 59 27 74 91
Prètz de las plaças :
- Tarifa plea : 27.00 €
- Mensh de 18 ans e estudiants de mensh de 25 ans : 17.00 €