Los Pagalhós per Haití
Que coneishem tots lo sens de la generositat deus Pagalhós. Que’n van har pròva enqüèra lo dissabte 12 de noveme de 2016, en dar un concèrt au Teatre Alexis Peyret de Sèrras-Castèth au profieit deus Calinous d’Haití...
 

Que coneishem tots lo sens de la generositat deus Pagalhós. Que’n van har pròva enqüèra lo dissabte 12 de noveme de 2016, en dar un concèrt au Teatre Alexis Peyret de Serras-Castèth au profieit deus Calinous d’Haití (Tarifas e reservacions au 05.59.33.11.66).

Aquesta associacion, creada en 2004 per personas qui s’interessavan a Haití e subertot pairs e mairs qui i adoptèn mainatges, qu'a per vocacion d'ajudar l'orfalinat ayician "La Maison de l'Espèr". Lo son prètzhèit qu'ei d'assegurar la vita vitanta e l'educacion deus mainatges.
Aquera estructura qu’arcuelh un quarantenat de mainats de quauques mes dinc a ua dotzena d’annadas e açò, shens nada ajuda publica.

Lo concèrt deus Pagalhós que deveré perméter aus Calinous de Haití de contunhar a neurir, vestir, suenhar e escolarizar los mainats.

Entà 2016, l’associacion que desira :
Perseguir l’enviar de 1500 € / mes entà neurir los mainats
Escolarizar un vintenat de mainats (350 € / an / mainat)
Remplaçar lo generator electric destrusit : 10.000 €

Que podetz vàder un actor entà ajudar e sostiéner la Maison de l’Espèr en har un don.
Que’us podetz enviar per chèc :
Les Calinous d’Haïti 9 Rue du Baron Séguier  64000 Pau
Tel : 05.59.30.63.61 / 07.68.44.74.64

Tà'n saber mei sus l'associacion : http://lescalinoushaiti.com/ o lescalinous@sfr.fr