Los Castellers en Bearn !
La Calandreta de Lis qu'organiza un eveniment de gran purmèra en Bearn...
 

La Calandreta de Lis qu’organiza a Arudi, lo dissabte 2 d’aost, un eveniment de purmèra en Bearn : la vienguda de 140 castellers catalans deu barri de Vila de Gràcia a Barcelona. Que son tors umanas aperadas en Catalonha castells. Aquera tradicion populara catalana qu’ei hèra vitèca uei dab mei de 70 grops de castellers presents en aqueth parçan.

L’ahar ne s’estanga pas aqui, pr’amor los Castellers que son estats inscriuts au Patrimòni Immateriau de l’Umanitat per l’Unesco en 2010.

Lo public qu’aurà donc l’escadença unica de véder los castellers a l’òbra en dehòra de Catalonha.

Programa: 

10 ò deu matin : visita d'Arudi dab l'OT.

Mieidia : passacarrèra musicau dinc a l'estadi d'Arudi

4 òras deu vrèspe : peu purmèr còp en Bearn : demostracion de Castells Catalans

Tota la vrespada :

Animacions e jòcs taus petits e taus grans : quilhas de 6 e de 9, maquilhatge,… (3 € taus adultes, a gratis taus mainats)

Mercat paisan, taulèrs d’associacions, de qué clacar e de qué bèver.

Lo ser, direccion la Sala Espalunga per un bal gascon, e un concèrt dab los grops Bearn To Be Wild e los punks bigordans de Papà Gahús. L’entrada qu’ei de 5€.

Mei d’entresenhas sus aquera jornada : www.facebook.com/calandreta.lis

E suus castellers:  www.cvg.cat