Lo tornar de Good Morning Occitania en Ràdio País
Après ua pausa de quauques mes, l'emission Good Morning Occitania qu'ei tornada en las ondas de Ràdio País...
 

Pendent un an, de seteme 2013 dinc a junh 2014, la matinala radiofonica «Good Morning Occitània» que mutualizè tres mèdias occitans. A l'iniciativa de Ràdio Occitània de Tolosa e de Ràdio País de Pau, en partenariat dab La Setmana, la matinala d'expression occitana que mobilizè quate jornalistas, dus animators, dus tecnicians atau com sèt cronicaires benevòles.
Lo programa de tres òras qu'èra difusat cada matin de 7ò a 10ò sus las antenas de Ràdio País e Ràdio Occitània.
Au mes de seteme passat, lo programa qu'estó hicat en suspens per Ràdio País mes Ràdio Occitània e La Setmana que decidín de contunhar d'apitar un programa de qualitat.

Aquesta emission de duas òras e mieja que's debana cada matin enter 7ò e 9ò30 sus l'antena de Ràdio Occitània. Lo ton qu'ei joen e dinamic e que s'adreça a un public larg dab cronicas e intervistas politicas. La playlist que hè la part grana a la musica occitana actuau com a las musicas deu monde dab la descobèrta d'artistas de ger e de uei.
E despuish lo 9 de heurèr, l'equipa de Ràdio País qu'ei tornada en las ondas tà participar a "GMO".
Emilia e Clamenç, los jornalistas, que's partatjan donc las informacions e las intervistas, Guilhem que hè l'animator, Silvan qu'ai animator-jornalista e Luis e Alex que son a la tecnica.
Que podetz hornir enter autes Matieu, Joan-Nadau, Ester e Danís tà las cronicas e qu'avetz ua beròja emission dinamica e divertissenta, de bon escotar.

Que'us desiram bon coratge taus oraris e bona sòrta tà la seguida.
Ràdio País Bearn que s'escota sus 89.8 FM o www.radiopais.fr e Radio Occitania : www.radio-occitania.com
E l'emission non poderé pas existir shens l'ajuda de la FIMÒC : www.fimoc.com