Lo purmèr CD de Simple Tres
Simple Tres qu'ei lo nom d'un pas de danças bearnesas. Qu'ei tanben un ahar de familha, la familha Dordeins. Lo pair, lo Jean-Michel e las duas hilhas la Veronica e la Mailis que musiquejan despuish vint ans tà har dançar tradicion e creacion...
 

Simple Tres qu'ei lo nom d'un pas de danças bearnesas. Qu'ei tanben un ahar de familha, la familha Dordeins. Lo pair, lo Jean-Michel e las duas hilhas la Veronica e la Mailis que musiquejan despuish vint ans tà har dançar tradicion e creacion. Quinze cantas deu lor repertòri que son estadas enregistradas suu CD « Partatge ». Aqueth disc que serà presentat lo 12 de mai a la sala André Dugèrt de Saut-de-Navalhas en ua serada concèrt seguit d'un bal dab Duo Vent e Espartenhas, los dus grops gessits de Simple Tres.

Au programa de la serada :
- 20H : Concèrt de Simple Tres e invitats.
- 21H30 : Sortida oficiau deu CD
- 22H : Bal dab Duo Vent
- 23H : Bal dab Espartenhas.

La serada qu'ei co-organizada per Simple Tres e los Comelodians de Saut-de-Navalhas e l'entrada qu'ei en libra participacion.
Lo CD qu'ei au prètz de 15€.
Se n'i podetz pas anar que podetz comandar lo CD en plear lo bulletin de soscripcion